طالبان تعطیلات نوروزی را در افغانستان لغو کرد

عبدالاحد عماد، از مقامات وزارت اطلاعات و فرهنگ طالبان گفته است: «ما نوروز را رسماً برگزار نمی‌کنیم، اما جلو مردمی را که این روز را جشن می‌گیرند، نمی‌گیریم.»

همچنین محمد یونس صدیقی، سخنگوی وزارت کار و امور اجتماعی حکومت طالبان، نیز اعلام کرده است که دوشنبه، روز اول سال، تعطیل عمومی نیست و تمامی کارمندان دولتی و دانشجویان باید از روز اول فروردین در ادارات و کلاس‌های درس حاضر باشند.

بر اساس تصمیم حکومت طالبان، ادارات دولتی روز دوشنبه اول فروردین ۱۴۰۱ هجری خورشیدی در افغانستان تعطیل نیستند. طالبان به طور رسمی درباره لغو تعطیلات نوروز اطلاع نداده و به ادارات مختلف به طور شفاهی درباره تعطیل نبودن عید نوروز اطلاع رسانی شده است.